Saturday, June 1, 2019

On Character Voice

Isa sa mga problema'ng nae-encounter ko sa pagbabasa ng nobela (mapa-Wattpad man o pocketbook) ay ang 'voice' ng mga characters. Tipong kilalang businessman si guy, galing sa mayamang pamilya pero kung magsalita, parang taga-kanto lang. O 'yung bidang babae na simple lang, mahinhin, hindi makabasag-pinggan pero kung makapagmura, daig pa si Digong haha. May mga nababasa rin ako na mas parang 'babae' pa magsalita ang bidang lalaki kaysa bidang babae. Sa parte'ng ito rin ako madalas mahirapan, 'yung pag-differentiate ng character voice. Kaya mahalaga 'yung sa umpisa pa lang, may bio na ang bawat characters at dapat, tugma sa personalidad nila ang boses na gagamitin natin sa pagsusulat. Paano?

1. Alamin ang vocabulary o educational background ng characters. Well-read ba o hindi? Elementary lang ba ang natapos niya? May Doctorate, etc? Kung elementary lang, mas limited ang vocabulary samantalang kung may doctorate, mas confident magsalita. May military background ba siya? If so, mas direct siya sa pagsasalita.

2. Jet setter ba siya, as in mahilig mag-travel around the world? If so, dapat magaling siyang 'magsalita' at mas may alam sa mga culture, language at food from different parts of the globe. Taga-province ba siya? If taga-Cebu, dapat marunong mag-Cebuano or if taga-Iloilo, dapat maalam sa Ilonggo. Lumaki ba siya sa ibang bansa? Say, pinanganak siya sa London so dapat may British accent ala-Harry Potter. Point is, the voice must justify his/her culture or race.

3. Ilang taon na ang character? Kung bata pa or teen, mas believable kung marunong siyang gumamit ng mga slang or mga usong salita (though it would still depend on the character's background). Kung may edad na, dapat medyo seryoso at may wisdom ang voice niya (again, still depends).

4. Nabi-buildup rin ang mannerism/interest/sense of humor ng character sa voice na gagamitin. If the character has some kind of a facial tic, this could affect his/her voice. If he/she's a computer genius p'wede kang mag-include ng computer vocab sa dialogues niya. Kung komikero naman ang bida, make sure na may mga funny jokes siya kapag nakikipag-usap or kahit sa internal monologue niya.

5. Babae ba siya, lalaki o LGBT? Usually, women are softer, more descriptive sa pagsasalita samantalang kapag lalaki, mas brusko magsalita. Kaya mahalaga sa isang manunulat ang pagiging observant sa paligid para mas maging aware sa iba't-ibang paraan ng pagsasalita ng iba't-ibang klaseng tao.

6. Dapat, alam mo rin kung gaano ka-confident ang character mo. Kung super confident, mas forceful siya, mas demanding pero kung submissive o mahiyain, p'wede siyang gumamit ng "Ahm", "Ah", "Uh", sa pagsasalita.

My tip is to have a 'voice journal' before you start writing. This way, mas makikilala mo nang maigi ang bawat characters. Pretend that you are 'conversing' with them. Create different situations wherein you can put each character on the spot and know how they would respond and deal with them. Effective 'yung basahin mo nang malakas ang mga dialogues, with feelings. Siguruhin mo lang na walang ibang tao na makakarinig dahil baka mapagkamalan kang ano.

No comments:

Post a Comment

What' You've Missed