Monday, June 22, 2020

Mga Uri ng Readers sa Wattpad

1. Mga ‘User Friendly’. ‘Yung todo comment na ang ganda-ganda ng gawa mo, na lahat ng works mo, naka-save sa reading list niya, na matagal mo na siyang follower. Then, at the end of the comment, may link ng mga gawa niya na ipapabasa sa’yo at ipapa-comment rin.

2. Grammar Nazi/Editor. Lahat ng mali, napapansin - grammar, plot, loopholes. Papasa na sanang proofreader, in fairness pero kapag binisita mo ang profile at binasa ang mga works, waley rin.

3. Demanding. ‘Yung puro ‘kailan ang update, author, mag-update ka na, ang tagal ng update!’ ang comment at kapag hindi mo nasunod ang gusto, mananakot pa na ia-unfollow ka.

4. Mahilig mag-rant. Lahat na lang ng parte ng story mo, may reklamo. Pangit ang plot, hindi niya gusto ang bida, ayaw niya ng desisyon ng bida. Basta, lahat na lang, may masasabi. Parang walang makausap sa bahay kaya sa comment box nagbuhos ng sama ng loob.

5. Mga ipinanganak na haters/bashers. ‘Yung hindi pa nakuntento sa pangba-bash sa story mo, pati personal mong buhay idinadamay pa. Lodi ‘yung mga hindi naman talaga binasa ‘yung story mo pero may nakahandang bash!

6. Die-hard fans. Bawat sentence, bawat dialogue, may comment! Kahit hindi kagandahan ang kwento, the best para sa kanila. Yey!

7. Mga bona fide readers. Sila ‘yung walang masamang tinapay. Nagsasabi talaga ng totoo. Kung may hindi nagustuhan o napansing mali sa nabasa, sasabihin sa paraang hindi nakakasakit ng damdamin. At kung nagustuhan ang nobela, iko-congratulate ang writer at ipu-push para magsulat pa nang magsulat. Hindi rin sila palahingi ng update araw-araw dahil naiintindihan nila na hindi madaling magsulat at hindi lang naman pagsusulat ang buhay ng isang writer.

Sana, lahat, #7. HAHA.

~~~

Wednesday, June 17, 2020

Words I Couldn't Say Yet (Chapter 2)

KUNG hindi lang kaarawan ni Lance ay hindi siya papayag sa ‘movie date’ na iyon. Bukod sa baka may makakita sa kanilang ibang teachers o students mula sa language institute, hindi madaling magkunwari na hindi siya naaapektuhan sa mga kabutihang ipinapakita ng binata. Natatakot siya na baka hindi niya kayaning itago ang totoo’ng nararamdaman para sa binata at kung magkataon, tapos na ang maliligayang araw ng puso niya.

Nagkita sila ni Lance alas siyete ng gabi, sa convenience store na malapit sa TOP. Sumakay sila ng taxi patungo sa isang bar and restaurant sa Makati na pagmamay-ari ng isa sa mga kaibigan nito. Napakasimpatiko ni Lance sa suot na light blue long sleeves at itim na slacks, na noon lamang niya nakita dahil parati itong naka-jeans at T-shirt sa klase. Mabuti na lang at naisipan niyang mag-effort na magpalda dahil kung hindi, malamang ay magmukha siyang alalay nito.

“Teacher.” Pagkababa nila ng taxi ay nagulat siya nang ialok ni Lance ang kamay. “This is like a date, diba? So, we can act like a couple, diba? I can hold your hand while we walk and while we watch movie, diba?”

Thursday, June 4, 2020

Watercolor Painting - The Basics

Though having expensive and branded materials will help you paint better, I personally like using cheap materials while practicing watercolor. But if you have the means to purchase those high quality watercolors, watercolor paper and brushes, the better.



So, where to start? 

Sunday, May 31, 2020

On Backstory

Bakit mahalaga ang backstory?

1. Ito ang mag-e-explain kung bakit ganito o bakit ganyan ang ugali at pagkatao ng bida. Ito ang magiging batayan ng characteristics niya at kung bakit at paano siya magre-react sa iba’t-ibang sitwasyon na kahaharapin niya. This is the key to character development. Kahit naman sa totoo’ng buhay diba, malaki ang epekto ng nakaraan natin sa pangkasalukuyan? Abusive or bad childhood, tragic past, broken family, lost love, unrequited love, mga ganyan.

Tuesday, May 26, 2020

List of Don’ts for Writers

1. Don’t follow every writing tip you’ve read. Iba-iba ang writer at hindi lahat ng tip ay makakatulong sa iyo. Tips are merely suggestions. Pumili ka lang ng method na angkop sa iyo bilang writer at mag-stick ka do’n. Okay lang magbasa nang magbasa ng writing tips pero real talk, hindi ka naman gagaling sa pagsusulat kung puro basa lang ng tips ang gagawin mo. Siyempre dapat, magsulat ka rin. Haha.

2. Don’t ask help from a published writer to get ‘connection’ ALL THE TIME. Asking for editing, proofreading, critique, recommendations, how to get published, requirements, etc. is okay but know your limitations. Also, huwag 'user friendly'. 'Yung kunwari, kakaibiganin, icha-chat pero ang ending pala ay gusto lang magkaroon ng 'connection' para mas madaling ma-publish.

Monday, May 25, 2020

Words I Couldn't Say Yet (Chapter 1)

SAENG-IL chuka hamnida, saeng-il chuka hamnida...saranghaneun, Teacher Allison, saeng-il chuka hamnida!”

Nagulat si Allison nang makita sa kanyang harapan si Lance, hawak ang isang maliit na chocolate cake na may nakatusok na mahabang kandila sa gitna. Maganda ang pagkakangiti nito na lalong nagpaliit sa maganda nitong mga mata. Tuwang-tuwa pa itong kumanta na para bang ito ang may kaarawan. Pauwi na siya noon at nasa lobby na ng TOP Language Institute nang sumulpot sa harap niya si Lance, dala ang cake. Kasing pula na ng pisngi niya ang suot niyang blouse dahil alam niyang nasa kanila ang lahat ng mga mata ng naroon, mapa-estudyante man o guro.

“Make a wish and blow the candle, Teacher!”

Ilang sandali pa siyang natulala bago nagawang hipan ang kandila. Naupo si Lance sa mahabang upuan na gawa sa kahoy, inilapag ang cake sa pagitan nila at inabot sa kanya ang apat na makakapal na libro’ng nakatali ng kulay pulang ribbon.

Wednesday, May 20, 2020

Reasons Kung Bakit Bina-bash ang Writers

1. Sobrang sikat. Sabi nga, kapag hitik ang puno, binabato. May mga tao kasi talaga na puro inggit ang nasa katawan at hanggang bash na lang ang kayang gawin.

2. Ka-kompitensiya ng idol nila. Siyempre, ang fan ay fan at gagawin nila ang lahat para sa idol nila, kahit pa nga makapanakit ng iba.

3. Mahilig ring mam-bash ang writer ng kapwa writer. Siyempre, papayag ba naman ang ‘loyal’ readers na i-bash ang favorite writer nila?

4. War freak si writer. Kaunting masamang komento tungkol sa nobela, naka-angil agad.

Friday, May 15, 2020

Words I Couldn't Say Yet Teaser


“I’m not the type who’d just sit and cry over a broken heart. Call me crazy, a fool, a bully, I don’t care anymore. I will fight for my love, and you are my love. I will fight for you no matter what.”

Thursday, May 14, 2020

Ground Level (Ang Iba't-ibang Level ng Aking Makulay na Buhay Pag-ibig)

Bakit nga ba tayo nagmamahal kung ang hatid naman nito ay sakit na masahol pa sa pakiramdam ng pinutulan ng kamay at paa, gamit ang isang mapurol na kutsilyo at pagkatapos ay pipigaan ng kalamansi? Mas higit pa siguro do’n kung ang dahilan ay isang taong labis mong minahal, kapantay ang langit at mga bituin.

Kung gayon ay bakit tayo nagmamahal? At ang masaklap pa do’n ay ang mapipili mong mahalin ng lubos ay ‘yung mga taong hindi karapat-dapat mahalin o kaya ay ‘yung mga nilalang na imposibleng makaramdam ng pagmamahal sa ‘yo. Dalawang bagay lang ‘yan - masokista ka at ang ideya mo ng kaligayahan ay ang labis na pagdurusa, o tanga ka lang talagang pumili ng mamahalin.

Napagnilayan ko na ang bagay na ‘yan at aminado ako, doon ako nakakategorya sa tanga’ng pumili ng mamahalin. Kahit na madalas ay pakiramdam ko ay kulang na lang ay paghiwa-hiwalayin ang buo kong katawan, heto pa rin ako, walang kadala-dalang magmahal.

Saturday, May 9, 2020

On Writing a ‘Marketable’ Novel

KAPAG singer ka, pangarap mong mag-concert sa harap ng malaking audience. Kapag dancer ka, pangarap mong mag-backup sa isang sikat na performer. Kapag artist ka, magkaroon ng isang one-man show. At kapag writer ka, ang maka-publish ng libro'ng tatatak sa maraming mambabasa. Gano'n siguro talaga. Lahat naman, diba? So, paano nga ba sumulat ng isang nobela’ng bebenta?

1. Alamin ang pagkakaiba ng traditional publishing sa self-publishing. Traditional publishing vs. Self-publishing. Traditional ‘yung mga kilalang pubhouses. Magsa-submit ka ng MS, hintay ng result, ganyan. Sila ang bahala sa lahat - cover, format, design, marketing. Sa self-publishing naman, mas may control ka - sa design, sa format, sa lahat, pati sa marketing, copyright, royalty, sa iyo. Do your research to know more about the two bago magdesisyon.

Wednesday, May 6, 2020

To Flashback Or Not To Flashback?

Lahat ba ng story, kailangan ng flashback? Hindi. May mga nobela na mas maganda kung walang flashback at mayroon namang hinihingi ng pagkakataon. Flashback can make or break your novel kaya dapat, maging maingat sa paggamit nito.

1. Right timing. Huwag basta-basta maglalagay ng flashback. Maghintay ng tamang moment, ika nga. Siguruhin na may detalye na at impormasyon tungkol sa bida bago mag-flashback. I-tease muna ang readers, pasabikin muna sila, ‘yung tipong magmamakaawa silang malaman kung ano nga ba ang backstory ng bida.

Monday, May 4, 2020

On Novel Template

Maraming beses ko nang nasubukang magsulat ng nobela na walang outline. 'Yung tipong kung saan mapadpad, kung ano ang mangyari, bahala na si Batman at minsan, nakaka-frustrate. It worked for me and it could work for others but it's not advisable especially if your goal is to write for a living.

So, here's something I've read somewhere (Becoming a Better Writer yata ang pamagat, di ko na maalala), na sinusubukan kong isabuhay sa mga bago kong isinusulat na manuscript, na sana makatulong sa mga tulad kong nagkikikahos na manunulat:

Sunday, May 3, 2020

On Antagonist

Pansin ko sa mga antagonists sa mga teleserye sa Pinas, masyadong stereotyped - sigaw nang sigaw, puro paghihiganti na lang. ‘Yung maiinis ka lang talaga dahil nakakainis talaga dahil madalas, iisa lang ang personalidad nila. Bihira akong makapanood ng tipong kahit kontrabida, mamahalin mo pa rin.

1. Hindi naman porque kontrabida, dapat kasusuklaman na at puro negative traits na lang. Remember, hindi magiging bida ang bida kung walang kontrabida kaya dapat kung gaano mo pinag-aksayahan ng panahong buuin ang bida mo, dapat gano’n rin sa kontrabida.

Saturday, May 2, 2020

Password to your Heart - CHAPTER 4

Chapter One


3nd week of March, 2013

MAKULIMLIM ang langit na para bang nakikiramay kay Celine. Alam niyang kailangan niyang lumabas ng bahay, kailangan niya ng sariwang hangin. Pero halos dalawang buwan na niyang ikinukulong ang kanyang sarili sa loob ng bahay at ang kaya lang niyang gawin ay ang sumilip sa malaki niyang bintana at tingnan mula roon ang magandang tanawin sa labas.

Being in a relationship, Celine has come to realize, is far from her expectations. It wasn’t fullfiling; it wasn’t something that could inspire her to be better. Well, not for her at least. Kung meron man siyang ipinagpapasalamat sa mga oras na iyon, iyon ay ang desisyon niyang hindi madaliin ang mga bagay-bagay.

Thursday, April 30, 2020

On Using Romance Novel Plot Generator Website

The concept of the story below was actually made by a certain romance novel plot generator website. Not entirely though. Fill in the blanks siya, it'll just help you come up with a plot for your novel. Genius, eh?

So ayun, sinubukan ko siya. Actually, I've tried a few pero pare-pareho lang naman ang ino-offer nila at karamihan ay nonsense haha. This certain site kung saan na-generate 'yung pinost ko na That Moonless Summer Night was actually good as long as malawak ang imagination mo para mas ma-develop ang plot. Ang downside, 'yung ibang parts, inuulit-ulit lang. Iniiba lang ang names, characterization, location, jobs at conflict. Fill in the blanks lang talaga kaya hindi malayong may makapareho ang magiging story mo lalo na kung magde-depend ka lang sa plot generator.

Though the plot was generated, marami akong idinagdag at binago, bukod sa tinraslate ko siya sa Tagalog kaya guilt-free pa rin kahit paano. At sa akin galing ang title, so I can still use it in my next project. 

Monday, April 27, 2020

Advantage and Disadvantages of Being a Writer

1. Advantage: You get paid for what you love doing. Though hindi kalakihan, masarap pa rin sa pakiramdam ‘yung napagkakakitaan mo ‘yung passion mo haha.

Disadvantage: Most of the time, lalo na kapag bago pa lang, you don’t really get anything from writing, especially in novel writing. Magsusulat ka para mag-ipon muna ng kaalaman at lakas ng loob. Bubuo ka muna ng ‘portfolio’ at magagawa mo lang ito kung magsusulat ka nang magsusulat at ipapabasa sa iba nang libre.


2. Advantage: Wala nang mas sasarap pa sa high na nararamdaman mo sa tuwing may naa-approve na manuscript. Ibig lang sabihin, malaki ang potensiyal mo na maging tulad ng isa sa mga hinahangaan mong manunulat.

Disadvantage: Rejection. Dahil hindi naman parating maa-approve ng pubhouse ang nobela natin. Masakit, siyempre. Pinaghirapan mo, eh. Pinagpuyatan. Tapos, ibabasura lang. Cheret.

Sunday, April 26, 2020

Old Plot, New Twist

Kakaunti pa lang naman ang naisusulat natin pero bakit feeling natin parang naisulat na natin lahat? Kaya sobrang nakakahanga ‘yung mga beterano’ng writers na patuloy pa ring nagsusulat at hindi nawawalan ng mga ideya.

Mahirap kumawala sa cliche story dahil halos imposible nang makabasa ng unique plot sa ngayon. Ang p’wede lang siguro nating gawin bilang mga manunulat ay maging creative to make cliche work for our advantage.

Kung mayroon kang cliche na idea o character, mag-isip ka ng paraan kung paano magiging ‘kakaiba’.

Wednesday, April 22, 2020

Password to your Heart - CHAPTER 3


The Verdict

PRESENT, December 20, 2008

HI.”

Ngingiti ba siya? Tama ba na ngumiti siya?

Tumayo si Evan mula sa pagkakaupo at hinintay na makalapit si Celine. She was wearing something formal that night, a very simple black dress, which was paired with black high-heels. He just looked at her as she comes closer.

“Hi, it’s been a long time.”

“Yeah,” sagot ni Celine. Too long, in fact. Naupo siya at hinintay lang ang susunod na sasabihin ng binata. Iba-iba ang nararamdaman ni Celine nang mga oras na iyon – excitement, fear, apprehension, disappointment. Yes, she’s feeling a whole lot of feelings at that certain moment. It has been two years. Two goddamn years! It was like she’s waiting for a death sentence.

“How have you been?”

“Good.” What else should she say? Na halos gabi-gabi siyang hindi makatulog, na bawat minuto niya itong iniisip at walang araw na hindi niya pinalangin na sana ay hindi na lang niya sinabi ang mga nasabi niya sa e-mail sa binata.

“You look great.”

Tuesday, April 21, 2020

"ML o Ako?"

Hi po Miss Cee, alam ko medyo mababaw itong problema ko pero po kasi, simula nung maglockdown, syempre hindi na kami nagkikita ng boyfriend ko. Hanggang chat na lang po kami at videocall. Gusto ko po kasi sana, lagi kaming magchat kaya lagi kami nag-aaway kasi lagi siyang busy sa ML. Yun po lagi ang dahilan ng tampuhan namin kaya minsan parang gusto ko na lang makipag-break pero hindi ko po kaya kasi mahal na mahal ko po siya. Naiinis lang talaga ako lagi parang hindi niya ako priority. Pakiramdam ko po kasi mas importante po sa kanya ang game kesa sakin. Ano po gagawin ko? ~ Sarah

Sarah,

Marami yatang may ganyang problema ngayon, ano? Though sa simula, you'd think na oo nga, medyo mababaw pero if you 'really' think about it, may point kung bakit ka namomroblema. Because you should know your priorities when you are in a relationship. Okay lang naman na maglaro o mag-enjoy sa hobbies pero siyempre dapat, in moderation at dapat hindi nakaka-interfere sa quality of life at love life.

Monday, April 20, 2020

Writer’s Block pt. 2

Paano kung talagang hindi ka makapagsulat? ‘Yung kahit anong pilit mo, walang lumalabas na ideya? Hindi ka naman tinatamad dahil gustung-gusto mo na talagang magsulat pero sadyang may kung ano’ng humahadlang sa ‘yo para gawin ‘yon. That’s what we call writer’s block - some call it laziness or an excuse but whatever term we use for it, it’s real. It’s there, just waiting to devour you.

1. Tanggapin mo na hindi ka makapagsulat. Acceptance lang talaga minsan. Parang breakup. Hindi ka tuluyang makaka-move on kung hindi mo pa natatanggap na wala na talagang kayo.

Sunday, April 19, 2020

Password to your Heart - CHAPTER 2


Must be LOVE

Evan (8/26/2004 2:03:19 PM): Hi there!
Celine (8/26/2004 2:03:21 PM): Hi, sir.
Evan (8/26/2004 2:10:57 PM): You’ve got webcam?

Saglit muna siyang nag-isip. Oo, meron s’yang webcam pero ayaw niyang ipaalam sa boss niya na meron. Ayaw niyang magpakita rito dahil ayaw niyang makita nito na namimilipit siya sa sobrang kilig sa tuwing kausap niya ito.

Celine (8/26/2004 2:11:24 PM): Yes but I don’t think it’s working perfectly.
Evan (8/26/2004 2:11:28 PM): I see. I just bought a new one this morning. I want to try it. Wait...

O EM GEE.

Evan (8/26/2004 2:11:48 PM): You see it?

O EM GEE ulet.

Friday, April 17, 2020

'My Ex's Ex'

Hi ate I saw your post about giving about love problem and after reading your post. I'll try to asked you something. Sana matulongan niyo ako sa ibibigay niyong advise ito kasi. Alam nilang lahat na nakipaghiwalay na ako sa Ex ko tapos sinasabi ko sa kanila na masaya ako at maayos na naka-move on na pero ang totoo po kasi inisip ko pa rin siya gabi-gabi kahit mali na tapos naghahangad pa ako na contact-in niya ako ulit. Paano ko po ba siya kalimutan like yun hindi na nakalaan sa kanya utak ko at puso for real. Actually ate kaya po bawal na kami at nakipaghiwalay ako kasi nakabuntis siya ng ibang girl which is yun Ex niya po.

~ Ann

Thursday, April 16, 2020

Password to your Heart - CHAPTER 1

His Name is Evan

December 16, 2008

ILANG minuto nang nakatitig si Celine sa harap ng monitor ng kanyang laptop. Ilang ulit siyang nag-refresh at ilang ulit binasa ang laman ng Facebook private message na ‘yon.

I’ll be in Manila next week. Just for a few days. Hope we can have dinner.

Hindi niya napigilang kiligin dahil kung may isang mensahe siyang inaabang-abangan, iyon ay ang tinitingnan niya ngayon. She could feel her face become warm and she just had to cover her mouth when she gave out a loud giggle.

Wednesday, April 8, 2020

Password to your Heart TEASER

"I’ll wait for your heart to mend...no matter how long it takes..."

Falling in love with your boss is definitely not a good idea. Especially if your boss has that kind of appeal that could make all the girls go crazy. Idagdag pa ang masakit na katotohanan na sa internet lang umiikot ang inyong mundo. Pero hindi iyon naiwasan ni Celine. She fell for Evan the first time she laid her eyes on him – on his photograph, that is.

And just as she expected, having Evan as a boss is dangerous to the heart. There were times when she just wanted to stay away from her laptop and forget about him altogether. Because she knew right from the start that falling for someone like Evan would just break her heart.

Ito ay kwento ni Celine, isang dakilang web content writer na na-inlove sa isang American businessman-slash-professional blogger-slash-traveler-slash-drop-dead-gorgeous-heartbreaker.

May kahahantungan nga ba ang kanyang mala-rollercoaster ‘online love affair’ sa isang tulad ni Evan?

~

Password to your Heart – An Online Love Story
Copyright 2020 © by Cecilia Cordero-Raymundo
First published online on Tagalog Online Pocketbook



What' You've Missed