Wednesday, October 2, 2019

The Girl From The Coffee Shop 3 EPILOGUE

KUNG tatanungin kung gagawin ko pa rin ang mga desisyong nagawa ko noon, ang sagot ko, oo. ‘Yung tungkol kay Noel, alam ko na nakatakda iyon na mangyari. ‘Yung naging magkaibigan kami, ‘yung naging malapit kami sa isa’t-isa, ‘yung minahal ko siya, ‘yung pagsama ko sa kanya sa Milan – lahat iyon, nangyari para mapunta ako sa kung nasaan ako ngayon. Napagtanto ko na simula noon ay si Noel ang guardian angel ko at hanggang ngayon ay binabantayan pa rin niya ako at si Jamie.

And as for Benjamin, he’s everything I expected him to be – and even more. Isa siyang responsableng ama at mapagmahal na asawa. Hindi ko inasahan na magiging masyado siyang maalaga kay Jamie na minsan, pakiramdam ko ay mas mabuti siyang ama kaysa sa mabuti akong ina. Si Benjamin ang nagpapaligo kay Jamie, nagpapakain, nakikipaglaro at nagbabasa ng bedroom stories rito sa gabi. 

Ikinasal sina Pam at Emman noong nakaraang linggo. Isang simple at pribadong kasal iyon, kasama ang pamilya at malalapit na kaibigan. Isang taon na si Emily, na parating kalaro ni Jamie. Parati kong isinasama si Jamie sa coffee shop at doon sila nakakapaglaro ni Emily, at hindi na ako magtataka kung magiging best friends ang dalawa. Madalas rin sa shop sina Jeff at Mr. Raymond para makalaro ang mga bata. They love kids and I hope one day, they get married and would be able to take care of kids of their own.

Thursday, September 12, 2019

Conflict: Internal vs. External

Sabi nila, the more complicated the conflict, the better. Siguro nga dahil may ilan akong MS na napa-revise at na-reject dahil sa kulang araw sa conflict. Haha.

Wednesday, September 11, 2019

The Girl From The Coffee Shop 3 Chapter 12

SINALUBONG agad si Benjamin ni Jamie nang makita ito sa pinto. Agad nitong niyakap ang anak at binuhat ito hanggang sa dining area kung saan naghahanda si Maya ng hapunan. Oo, marunong nang magluto si Maya dahil bukod sa pagpipinta, ang pagluluto ang madalas niyang pagkaaabalahan noong nasa Milan pa siya. 

“Ang aga mo yata, nagsisimula pa lang akong magluto,” sabi ni Maya nang makalapit na ito sa kusina.  She’s preparing something special - Classic Beef Pot Roast. Nitong mga nakaraang anim na buwan ay halos araw-araw binibisita ni Benjamin si Jamie sa unit nila sa The Draft bago ito umuwi galing opisina at at minsan kapag ang meeting nito ay malapit lamang sa area nila.

“Okay lang, we have the whole evening.”

“The whole evening?” Tiningnan ni Maya si Benjamin na noon ay nakikipaglaro na kay Jamie. Tumatakbo si Jamie habang hinahabol naman ito ng ama. Pinagmasdan lang ni Maya si Benjamin habang nakikipaglaro sa anak. Hindi niya naisip ang posibilidad na mangyayari ang ganoon, na magkakasama ang dalawang importanteng lalaki sa buhay niya ngayon.

“Balak ko sanang dito matulog ngayong gabi…’yun ay kung okay lang sa mommy ni Jamie.” Ngumiti si Benjamin nang isang ngiti na alam nitong hindi mahi-hindi-an ni Maya. “Bumili ako ng play tent para sa kuwarto niya. Maglalaro kami mamaya.” 

Napabuntung-hininga na lang si Maya. “Fine. Basta matutulog ng maaga, ha.” Alam ni Maya na wala na rin naman siyang magagawa. Hindi niya napansin ang bitbit nitong malaking bag at ang play tent na sinasabi nito. Hindi naman iyon ang unang pagkakataon na doon natulog si Benjamin sa bahay at kahit paano ay mas panatag ang kalooban niya sa tuwing naroon ito.

“Yes, ma’am.”

Tuesday, September 3, 2019

The Girl From The Coffee Shop 3 Chapter 11

ISANG ordinaryong araw lang iyon para kay Benjamin tulad ng mga nagdaang araw at nagkatao’ng may kliyente si Jeff malapit sa The Forum kaya binisita siya nito. 

“I got call from Maya this morning.”

At iyon lang ang kailangang marinig ni Benjamin para ihinto niya anuman ang ginagawa niya nang mga oras na iyon. “N-nakausap mo siya?” Mula sa laptop ay nagtaas siya ng tingin. 

“Yes,” natatawang tugon nito. Tumayo ito at nagpunta doon sa couch.

Gustong magtanong ni Benjamin ng ‘how is she’ pero pinigilan niya ang sarili. Muntik na niyang makalimutan, galit nga pala siya sa babae’ng iyon at kinasusuklaman niya ang lahat ng tungkol dito.

“Okay naman siya. Milan has treated her well, if you ask me. Naroon lahat ng gusto niya – ang art, ang fashion, ang scenery.”

At ang lalaking ipinalit nito sa kanya, kung p’wede lang niyang idagdag. At muli, nanumbalik ang galit na nararamdaman niya. “Nagpunta ka rito para lang sabihin sa akin ‘yan?”

“Oo. Dahil alam ko na halos mamatay-matay ka na kaiisip kung kumusta na ang Maya mo. Oh well, good news for you…itinanong niya kung kumusta ka na raw,” patuloy ni Jeff.

Muli siyang napaangat ng tingin pero tumungo rin siya agad. “Sabihin mo sa kanya, ayos lang ako at sabihin mo sa kanya na huwag na siyang mag-aksaya ng panahong magtanong tungkol sa akin dahil okay lang ako.”

Tumaas ang kilay ni Jeff dahil alam nito na kabaligtaran ang lahat ng sinasabi niya. Tumayo na ito at kinuha ang kulay pula’ng knapsack. “Bakit hindi ikaw ang magsabi sa kanya n’yan? She arrived a couple of days ago so if you want to see her,” and he handed him a small invitation card. “Make sure to be there.”

Hinayaan muna ni Benjamin na makalabas ng opisina niya ang pinsan bago niya buksan ang ibinigay nito. Imbitasyon iyon mula kay Pam para sa soft opening ng bago nitong coffee shop na From Coffee to Cupcakes (a perfect blend of passion and creativity). Naroon ang lugar kung saan ito gaganapin, at ang oras. At sa ibaba’ng bahagi ng maliit na invitation na iyon ay ang sulat-kamay ni Pam – 

Maya is expecting you.

Thursday, August 29, 2019

Writer Ka Nga Ba?

  1. Kung mas pipiliin mo ang pagsusulat kaysa matulog.
  2. May katabi kang notebook at ballpen sa pagtulog para laging handa.
  3. Mas gusto mong magsulat kaysa gumala.
  4. Mas gusto mong magsulat kaysa maligo. Lol
  5. Kapag nasugatan ka, hindi dugo ang papatak kundi KAPE!
  6. Hindi ka naiinip sa traffic kasi marami kang nabubuong ideas habang nasa biyahe.
  7. Mahilig kang mag-people-watch. Mahilig ka ring mag-imbento ng kuwento tungkol sa mga tao sa paligid mo kahit hindi mo sila kilala.

Wednesday, August 28, 2019

On Protagonists

Mas magiging maganda ang nobela kung maganda rin ang pagkakasulat sa karakter ng bida. Madalas, mayroon tayong ‘model’ ng bida natin, diba? P’wedeng kakilala, kaaway, idol o kaya ay isang tao na naging malaki ang parte sa ating buhay. Madalas, the more realistic the protagonist, the better. Pero siyempre, iba-iba pa rin ang taste ng mga readers and some of them just love their heroes to be ‘almost’ perfect. 

So how do we create effective protagonists?

1. Goal. Dapat, umpisa pa lang, may malinaw nang layunin ang bida dahil ito ang magpapatakbo sa buong story mo. 

2. Strengths and weaknesses. Huwag puro kalakasan ang ibigay sa bida. Dapat, may mga kahinaan rin siya para masubok mo kung paano niya haharapin ang mga paghamon na ibibigay mo sa kanya.

Tuesday, August 27, 2019

The Girl From The Coffee Shop 3 Chapter 10

Magenta, MI Italy. After two years…

ALAS sais pa lang ng umaga nang lumabas si Maya ng bahay. Dala ang isang breakfast tray ay tumuloy na siya sa garden doon sa rooftop ng maliit nilang apartment. Maganda ang sikat ng araw at medyo malamig ang simoy ng hangin. Halos dalawang taon na nilang ginagawa ang ganito, ang mag-almusal sa hardin at sabay na hangaan ang ganda ng paligid. 

“Good morning,” nakangiting bati ni Maya. “How are you feeling?” Ibinaba niya ang tray sa pabilog na mesa at naupo na rin. Inayos niya ang laman no’n – dalawang baso ng fresh orange juice, dalawang wholegrain toast with scrambled eggs. 

“Better. Much better.” Hinawakan ng binata ang kamay ni Maya at ngumiti. 

“So, ano’ng plano mo ngayong araw?” tanong ni Maya sabay abot ng pillbox kay Noel, kasunod ang isang baso ng tubig. 

“Ikaw, sa’n mo gustong pumunta? P’wede ko kayong i-tour sa mga museums o sa mga galleries na hindi n’yo pa napupuntahan. Ano’ng gusto mong gawin?”

Nagkibit-balikat si Maya. “Wala.”

“Wala? Ano’ng gagawin natin?” natatawang tanong ni Noel pagkatapos inumin ang dalawang tableta ng gamot. “Ah, how about setting up your new studio?”

That made her smile even more. Another thing she loves about being there with Noel is that she could do anything she wanted – or do nothing at all. P’wede siyang mag-pinta buong araw at buong gabi, p’wede siyang umalis nang walang nagbabawal. P’wede rin siyang manatili lang doon sa apartment at walang gawin buong araw, at p’wede niyang istorbohin si Noel kahit anong oras.

Sunday, August 25, 2019

Stuck In A Scene?

‘Yung moment na sarap na sarap kang magsulat ng isang scene tapos bigla, hindi mo na alam ang susunod na mangyayari. ‘Yung bigla, parang nagtampo yata ang mga characters mo at ayaw ka nang kausapin.  So, paano na?

1. Gawing mas komplikado ang conflict. Madalas kasi kaya hindi natin maituloy isulat ang scene, kasi parang wala namang masyadong at stake. P’wede kang magdagdag ng kontrabida o kaya magpasok ka pa ng mas mabigat na problema para lalong pahirapan ang bida.

Friday, August 16, 2019

The Girl From The Coffee Shop 3 Chapter 9

MAY ilan pang pahabol si Greg kay Benjamin bago pa nito tuluyang iwan ang boss nito doon sa lobby ng tinutuluyan nilang hotel na iyon sa Palawan. Ang araw na iyon ang pinakahihintay na paglulunsad ng The Marina at pupunta roon si Maya. Makakasama niya ito, nang silang dalawa lamang. Walang Nicole, walang Noel. Tiningnan niya ang oras sa malaking grandfather clock doon sa may entrada ng lobby – quarter to six. Tumingin siya sa paligid, hinahanap ang nag-iisang mukha na gusto niyang makita at nang mapadako ang mga mata niya sa may reception area, naroon si Maya.

She was wearing a white strapless summer dress, vintage sunglasses and striped black and white sunhat, which made her look divine just standing there. Kausap nito ang ilang members ng design team ng firm. Gusto niyang lapitan ang dalaga pero pinigil niya ang sarili. May tamang oras at lugar para kausapin niya ito, at handa siyang maghintay. Marami pa rin naman siyang dapat asikasuhin at sa tingin niya, kapag nilapitan niya ngayon si Maya, hindi na niya nanaisin na umalis pa sa tabi nito.

Hinarap ni Benjamin ang lahat ng dapat niyang gawin nang araw na iyon – meeting with some clients, some last-minute chat with his staff and the event planners. And before he knew it, it’s time for the launch. Everybody was there – his Dad, his Tito Victor, his business partners, everyone from the industry and a lot of tourists and famous personalities from different parts of the globe. Pero wala sa mga iyon ang gusto niyang makita.

“There you are,” sabi niya nang makita si Maya sa madilim na bahagi ng bar ng clubhouse. Pero ni hindi siya nilingon nito. “Ano’ng ginagawa mo rito?”

“Umiinom, ini-enjoy ang katahimikan,” sagot ng dalaga nang hindi pa rin tumitingin sa kanya. 

Hindi agad nakita ni Benjamin ang hawak nitong baso ng Jack Daniel’s Whiskey. Napailing siya. “I think you’re drunk.” 

Tinabihan niya si Maya at um-order rin ng sariling scotch on the rocks. Sa tingin ni Benjamin ay lasing na si Maya. Halata iyon sa mga mata nito at hindi na rin normal ang paraan ng pagsasalita nito. Her hair that was in a tight bun was  already a bit disheveled but it best suited her sleeveless little black dress. Overall, she looked amazing, as always. 

”Maya, hindi ka marunong uminom, come on,” sabi niyang muling um-order si Maya ng isa pang baso ng alak. 

“Sino’ng may sabi?”

“Ako.”

“Well, hindi mo pa ako kilala, Engr. Contreras.” Inilayo ni Maya ang braso nito nang piliting hawakan at alalayan ni Benjamin. 

“Really? Ano pa ba’ng hindi ko alam sa’yo, Ms. Evangelista? A painter, barista, designer, and usually a pain in the neck. What else should I know about you?” natatawang tanong ni Benjamin pagkatapos uminom ng scotch.

Wednesday, August 14, 2019

On Stereotypes

Gangster. Businessman. Meangirl, Haciendera. Bully. These are the typical characters na nababasa natin ngayon, lalo na sa Wattpad. Stereotypes. Ito ‘yung kapag sinabing gangster, alam na. Macho, ma-abs, ma-angas, bad boy image. Kapag meangirl naman, usually, maganda ‘yan, mayaman, mataray, b*tch. Kapag hero naman, guwapo, matipuno at kapag heroine, maganda, mahaba ang buhok, hindi makabasag-pinggan. 

Wala namang masama rito at may mga stories naman na maganda talaga kahit stereotype ang mga characters pero kung gusto mong ‘maiba’ naman, i-next level mo ang atake. Here are some ways on how you can ‘reinvent’ stereotyped characters for your novel:

Saturday, August 10, 2019

The Girl From The Coffee Shop 3 Chapter 8

BAKIT nga ba kung kailan dapat na niyang kalimutan ang mga bagay-bagay ay tsaka pa parang pinaglalaruan siya ng tadhana? Papasok pa lang si Maya noon sa opisina at kasalukuyang nag-aalmusal sa living room habang nanonood ng telebisyon nang marinig niya ang pangalan ng dalawang tao’ng gusto na niyang alisin sa buhay niya – si Eng. Benjamin Contreras III at Nicole Sequia. 

Hindi naituloy ni Maya ang pag-inom ng kape at napatingin siya sa TV kahit pa labag iyon sa kanyang kalooban. 

‘Pagkatapos ng ilang buwang pananahimik, muling nagbalik si Nicole Sequia sa Pilipinas para ipagpatuloy ang naiwan nitong showbiz career. Kilala bilang isa sa mga sikat na modelo sa Pilipinas at isang magaling na talk show host, tumulak patungong L.A. si Nicole para umano magbakasyon kasama ang pamilya. At ngayon, pagkaraan ng halos anim na buwan, inamin na ni Nicole Sequia ang totoong dahilan ng kanyang pag-alis…'

'…Humarap ang isang six-month pregnant Nicole Sequia sa isang press conference para sa nalalapit nitong bagong programa. Ikinabigla man ng lahat ang kalagayan ng modelo, nakangiti nitong sinagot ang lahat ng kontrobersiyang kinahaharap nito ngayon. Hindi man nito muna  pinangalanan ang ama ng dinadala, nangako ito na ipapakilala sa lahat ang masuwerte’ng lalaki sa takdang panahon…Matatandaang na-link si Nicole kay Eng. Benjamin Contreras III, isang kilalang negosyante ng bansa na kamakailan lang ay naging cover sa Architectural Digest.'

Wednesday, July 31, 2019

Bakit Nga Ba Napa-Publish ang mga Libro’ng Hindi Ka-Publish-Publish?

1. Celebrity ang nagsulat. P’wedeng actor, athlete o basta household name o kilalang-kilala. Kasama na rin rito ‘yung mga sikat sa internet, lalo na sa social media, i.e. Facebook, Wattpad. Kahit waley sa quality, mapa-publish ‘yan dahil real talk, pangalan ang ibinebenta ng publisher, hindi ang mismong libro. Kahit tungkol saan pa ‘yan, kahit pa nga tungkol lang sa paborito’ng street food ng celebrity o paano magtiklop ng damit ang libro, magiging best seller ‘yan.

Tuesday, July 30, 2019

The Girl From The Coffee Shop 3 Chapter 7

TINANGGAP ko ba ang proposal na ‘yon ni Benjamin? Hindi. Dahil alam ko namang hindi matatapos doon ang problema namin. Katulad ng nangyari noon kung saan niyaya niya akong magpakasal dahil lang sa may gusto siyang patunayan na siya ang mas mahal ko at hindi si Noel. At ngayon, niyaya niya akong magpakasal para lang pagtakpan ang kasalanan niya. Oo, mahal ko si Benjamin at kung may isang tao na gusto kong makasama habang-buhay, siya iyon at wala nang iba. pero hindi naman ganoon kadali ang lahat. 

Hindi naging madali ang sumunod na mga linggo para kay Maya kaya naman para makahinga at makalayo sa mga problema sa trabaho at sa buhay, nagpasya siyang sumali sa dalawang araw na art workshop na pinangunahan ni Sir Nemiranda, na matalik na kaibigan ni Maestro Diestro. Gaganapin iyon sa Art Camp sa Angono, Rizal, na halos tatlong oras mula sa Maynila. Iyon lang ang naisip niyang maaaring gawin para makalimutan niya ang lahat ng bagay na may kinalaman kay Benjamin.

Napakaganda at napakatahimik ng lugar na ang tanging maririnig lang ay ang pagaspas ng mga dahon at huni ng mga ibon. Perpekto iyon para sa mga tulad niyang gustong makapag-isa. Alas kuwatro na ng hapon nang makarating si Maya sa lokasyon at agad niyang nakilala ang iba pang mga artists na naroon na. Eksakto’ng alas siyete ng gabi ang hapunan, na sinundan ng talumpati at pagtuturo mula sa iba’t-ibang kilalang virtual artists. Magaan ang pakiramdam ni Maya sa buong okasyon dahil na rin sa mga pamilyar na mukha’ng naroon – mga kasamahan sa art group nina Mr. Diestro, mga hinahangaan niyang pintor at ilang nakilala na niya sa mga nasaliha’ng exhibits. Ngayon, sigurado siyang habang naroon siya ay malilimutan niya ang mga dapat kalimutan at kahit na sa loob lang ng dalawang araw ay maging tahimik ang buhay n’ya.

“Maya!”

Hindi agad lumingon si Maya sa pinanggalingan ng boses kahit pa alam niya kung sino iyon. Nang marinig niya ang boses ni Noel, alam niyang ang hiling niyang ilang araw ng katahimikan ay biglang nawalang parang bula. Nakita na lamang niyang palapit ang binata sa kinauupuan niya at wala naman siyang ibang pagpipilian, wala siyang magagawa kundi ang ngumiti.

Sunday, July 28, 2019

On Characterization

Walang kuwento kung walang tauhan. Madali lang namang gumawa ng hero at heroine diba? Hindi rin.

1. Physical description. Watch your favorite movie and observe the characters in it. Tapos, subukan mong isulat lahat ng naaalala mong physical attributes ng mga main leads. Kaya mahalaga ang pagbabasa at pagri-research, bes. Para hindi maubusan ng adjectives sa pag-describe. Do this to your characters. Bawat isa, dapat may profile. Parang slum book lang natin noong elementary at high school. Gender, favorite color, favorite movies, crush, motto in life, favorite book, ambition, fears, likes, dislikes, best quality, etc. Mga gano’ng information.

Wednesday, July 17, 2019

The Girl From The Coffee Shop 3 Chapter 6

ALAS kuwatro na ng hapon nang tingnan ni Maya ang oras sa relo na nakasabit sa kanyang opisina. Matatapos na ang araw niya at sa awa ng Diyos ay wala siyang nakita na ayaw niyang makita. Lunes noon, unang araw niya sa opisina pagkatapos ng napakahaba at nakakagalit na weekend. Ayaw na sana niyang tumuntong sa opisina’ng iyon pero hindi na siya ang dati’ng Maya na bigla na lang nawawala na parang bula. 

Iniligpit na niya ang mga gamit at inilagay sa bag ang mga kailangan niyang iuwing mga papeles at design plates na dapat pang pag-aralan. Maaga siyang uuwi dahil marami pa siyang dapat asikasuhin, kasama na ang paglipat sa bagong uupahan. Bibitbitin na sana niya ang mga gamit nang biglang bumukas ang pinto.  Napanganga siya sa sobrang gulat at mas lalo pa siyang nagulat nang makita kung sino ang bisita niya nang mga oras na iyon. 

Unang tingin pa lang ni Maya kay Benjamin ay alam niyang hindi na maganda ang timpla nito. Bukas ang unang dalawang butones ng suot nitong asul na long sleeves at pulang-pula ang mukha nito sa sobrang galit. 

“Maya, we need to talk,” seryosong sabi ni Benjamin. Lumapit ito kay Maya, sapat lamang para mailapag nito ang mga larawan sa mesa ng dalaga. “Ano’ng ibig sabihin nito?”

Tiningnan iyon ni Maya. Hindi na niya kailangang lumapit pa doon dahil mula sa kinatatayuan niya ay kita na niya kung ano ang mga iyon. 

“Bakit magkasama kayo ng lalaki’ng iyon? Nagkikita pa rin kayo hanggang ngayon?”

Nagpakawala si Maya ng isang bahaw na tawa. “Wow, parang ako pa ang lumalabas na masama ngayon? Sino ba sa ating dalawa ang nakabuntis, ako ba?”

10 Reasons Kung Bakit Nagsusulat ng Erotica/Erotic Romance ang mga Kabataan

1. To explore, to learn. Totoo naman na may matututunan sa pagsusulat ng erotica dahil mas mahirap itong isulat kaysa sa tipikal na nobela. If you think that writing erotica and/or erotic romance is easy, yeah, you’re doing it wrong. 

2. Para makalaya at makalabas sa kahon. Some writers want change. They want to try something different and they feel free when writing erotica.

Tuesday, July 16, 2019

The Girl From The Coffee Shop 3 Chapter 5

"MAYA!"

Ilang beses na pasigaw nang tinatawag ni Noel si Maya pero parang hindi siya nito naririnig. Lumalakas na ang ulan at lahat ng tao ay tumatakbo para humanap ng masisilungan pero patuloy lang si Maya sa paglalakad na tila ba walang pakialam kung mabasa man ito o hindi. 

"Maya!" muling tawag ni Noel. Hininto nito ang sasakyan sa gilid ng daan at mabilis nitong tinakbo ang kinaroroonan ni Maya.

Walang tugon mula sa dalaga. At nang lapitan ito ni Noel, hindi maitatago ni Maya ang pag-iyak nito. Humahalo na ang luha ng dalaga sa malakas na patak ng ulan. Wala na sa ayos ang buhok nito at namamaga na rin ang mga mata dahil marahil sa kakaiyak.

"Maya, ano'ng nangyari?" nag-aalalang tanong ni Noel. Inalalayan niya ito sa magkabilang braso pero hindi pa rin ito sumagot at patuloy lang sa pag-iyak at sa paglalakad. At sa tingin ni Noel ay wala nang pag-asang makakuha ng sagot mula dito katulad ng walang pag-asang tumila ang ulan.

Tumingala muna si Noel na para bang nanalangin na humina ang patak ang ulan at pagkatapos ay inalalayan si Maya sa pagtawid hanggang sa makarating sila sa sasakyan niya na nakaparada sa kabilang parte ng kalsada.

"Maya, ano ba ang nangyari, bakit ka umiiyak?" tanong ni Noel nang nakasakay na sila sa sasakyan. Pareho silang basa'ng-basa pero ibinigay niya kay Maya ang dalawang tuwalya na naroon sa upuan sa likuran ng kotse. 

Monday, July 15, 2019

On POV

1. Isang POV lang bawat scene. Dapat, bago magsulat, linawin muna sa sarili kung kanino’ng perspective ang isusulat mo. Focus on that character, think about his/her personality before writing. 

2. I-break ang scene kapag nagpapalit ng POV. Hindi p’wede ‘yung sa gitna ng dialogue o paragraph ay biglang papasok ang POV ng isa pang character. P’wede ring chapter break, na bawat chapter, ibang POV. Really depends on your writing style.

Sunday, July 14, 2019

The Girl From The Coffee Shop 3 Chapter 4

MARAMI pa ring tao sa lobby ng Diamond Hotel nang dumating siya roon, mag-aalas dose na ng gabi. Pagkatapos makapag-check in sa front desk ay tumuloy na siya sa kanyang kwarto sa 12th floor kasunod ang bellboy na dala ang dalawa niyang malalaking maleta.

Wala sa loob na kumuha siya ng isang stick ng Hilton Lights sa kanyang gold plated cigarette case at inilagay iyon sa labi. Akma na niya itong sisindihan nang bigla siyang matigilan. Dahan-dahan siyang naupo sa king sized bed at tiningnan ang sariling repleksyon sa malaking salamin sa kanyang harapan. Saglit niyang tiningnan ang hawak na sigarilyo at patapon iyo’ng inilagay sa ash tray na naroon sa night stand. What was she thinking, coming back after the humiliation she went through three months ago?

Halos hatinggabi na nang makarating siya sa Maynila mula Los Angeles at naisip niya na manatili muna sa hotel habang naroon. Naisip niya na mas mabuti iyon para sa sitwasyon. Walang may alam na nakabalik na siya, kahit pa nga si Benjamin. Wala munang dapat makaalam sa ngayon. Because she has to make a spectacular entrance; because she has to make sure that her comeback is something that everybody will never forget.

Wednesday, July 10, 2019

The Girl From The Coffee Shop 3 Chapter 3

WOW, bago ang kotse mo?” taka’ng tanong ni Pam sa kanya nang minsang sinundo niya ang kaibigan sa opisina nito, na ilang minuto lamang mula sa The Forum. Naabutan niya si Pam sa palagi nitong p’westo sa harap ng building na pinagtatrabahuhan nito at palabas pa lang siya ng kotse ay lumapit na agad ito sa kanya. “At aba, may driver ka na ngayon?”

Sa halip na ngiti, simangot ang isinalubong ni Maya sa kaibigan. Hindi niya gusto ang pagkakaroon ng driver at ng bago’t magarang kotse pero wala naman siyang choice. Sabi ni Benjamin, for her own safety. Sabi ni Benjamin, do it for his peace of mind.

Bago sumunod kay Pam, kinausap muna saglit ni Maya si Mang Tony at sinabi rito na balikan siya sa coffee shop pagkaraan ng dalawang oras. Alas diyes pa lamang noon ng umaga pero masakit na sa balat ang mainit na sikat ng araw.

“Baka sa susunod, may bodyguard ka na rin, ha,” natatawang sabi ni Pam nang malapit na sila sa coffee shop.

Naisip rin niya ang posibilidan noon. “Well, as long as hindi n’ya ko pagbabawalang magtrabaho o lumabas ng bahay, hindi ako magrereklamo.”

Marami nang tao nang pumasok sila sa coffee shop at kinailangan pa nilang maghintay ng halos sampung minuto para lamang makaupo. Kikitain nila roon si Emman, na may maganda raw na balita.

“Dapat na lang akong magpasalamat, hindi ba?”

“Aba, dapat lang naman. Hindi lahat ng babae sa mundo e nakakatagpo ng ganoong klaseng lalaki – mabait, thoughtful, g’wapo, mayaman. Possesive nga lang tsaka may pagka-seloso. Pero keri na, Maya.”

May punto si Pam. Dapat nga ay nagpapasalamat na lang siya dahil siya na ang pinakamasuwerte’ng babae sa balat ng lupa.

“Teka, alam na ba niya ‘yung tungkol sa photoshoot? ‘Yung kay Noel?”

Tuesday, July 9, 2019

Ano'ng Klaseng Reader Ka?

  1. The ultimate bibliophile. Kasama na rin dito ‘yung mga collectors. ‘Yung kahit wala nang mapaglagyan ng books at wala nang oras para magbasa, bumibili pa rin ng mga libro dahil - wala lang. Feel na feel lang nila ‘yung may bagong biling books tapos aamuyin ‘yung mga pages bago matulog. Walang pinipiling genre o author. Basta libro, sunggab agad.
  2. The intelligent reader. Ito ‘yung reader na matalino dahil na rin sa pagbabasa. Their minds are like sponges na lahat ng nababasa ay na-absorb ng utak. Sila rin ‘yung mahirap makadebate pagdating sa isang libro dahil tiyak na kaya nilang himayin ang bawat detalye ng bawat librong binabasa nila. PS: Iba ito sa feeling expert lang.
  3. ‘Yung mahilig mag-kritiko. In other words, mga perfect. Lol Nagbabasa ng libro hindi para ma-entertain kundi para i-criticize ito. Kahit gaano kaganda ‘yung nobela, hahanap at hahanap sila ng loophole o mga maling detalye dahil para sa kanila, walang perpektong akda o manunulat.

Sunday, July 7, 2019

The Girl From The Coffee Shop 3 Chapter 2

MADALING-ARAW na nang matapos sa trabaho si Maya. Isang luxury villa ng isang kilalang artista ang bago nilang proyekto at nasa schematic design phase pa lamang sila, na sa tingin niya ay ang pinaka-stressful na bahagi ng kanilang trabaho.

Wala pang isang taon siyang nagtatrabaho bilang interior designer sa Contreras-Contreras pero pakiramdam niya ay parang mas matagal pa roon. She’s right about her expectations about her new job – it is demanding and most of the time, crazy. Simula nang umalis siya sa coffee shop at maging regular na staff ng firm ay hindi na niya nagagawa ang mga bagay na gusto niyang gawin tulad ng pagpipinta o kahit ang simpleng pang-eenjoy lang sa bahay nang walang inaalala. Sa totoo lang, minsan, gusto niyang bumalik na lang ang lahat sa dati noong mga panahong wala siyang ibang inaalala kundi paano mapansin ni Benjamin. Noon, pangarap lang niya na makita ito nang malapitan pero ngayon, nagagawa na niya iyon anumang oras.

Ah, hindi pa rin pala. Hindi pa rin nga pala niya p’wedeng makita ang kasintahan anumang oras niya naisin dahil sa kasamaang-palad, hindi lang siya ang buong buhay ni Benjamin. Kaya nga ba hanggang ngayon ay itinatanong pa rin niya sa sarili kung ano nga ba itong napasukan niya. Okay, noon ay pangarap niyang maka-date ang binata at kahit nga saglit lang na tingin mula dito ay kukumpleto na sa araw niya. Pero iba pala talaga ang pangarap lang sa totoong buhay. 

Gusto Mo Ba Talagang Maging Writer? Huwag!

Bago mo sabihin sa sarili mo na wala ka nang gustong gawin kundi ang magsulat at kalilimutan mo na ang lahat pati ang pangarap ng mga nanay at tatay mo para sa iyo, basahin mo ito:

1. Ang pagsusulat, walang katapusan. Hindi ito tulad ng tipikal na 8-5 job na pagkatapos ng trabaho ay p'wede nang mag-relax. Wala rin itong kinikilalang ‘weekend’ o holiday.

2. Kapag nagsusulat ka ng nobela, wala itong pinipiling oras o araw o pagkakataon. Minsan, maliligo ka na lang, matutulog ka na lang, biglang may maiisip kang magandang senaryo na kailangan mo agad i-tipa dahil kung hindi ay mawawala ito na parang bula. At minsan pa ay dadalawin ka ng mga karakter mo sa iyong panaginip para ipaalala sa’yo na kailangan mo nang tapusin ang kanilang kwento.

Saturday, July 6, 2019

Writer's Block: Bakit Nga Ba?

Oh, sige na. Wala raw writer’s block pero minsan talaga, darating sa buhay ng isang writer na bigla na lang maba-blangko ang utak, na kahit ano’ng gawin ay waley pa rin. Bakit nga ba?

1. Kahit sa pagsusulat, dapat may right timing. At kumbaga sa pagluluto, kailangan mo munang ihanda ang ideas mo - ayusin ang mga ingredients, painitin ang kalan at pakuluin ang dapat pakuluin bago mo isulat. Kapag isinulat mo kasi agad ‘yan nang hindi pa handa, mahihilaw. Hindi masarap ang lasa. Pero minsan, sa kahihintay natin ng 'right timing', hindi na tayo nakakapagsulat. Parang love, hintay ka nang hintay nang Mr. Right, hindi mo na napapansin na nariyan na pala si Mr. Right for you. Cheret.

The Girl From The Coffee Shop 3 Prologue + Chapter 1

PROLOGUE

HAPPY ending. ‘Yan rin ang kinahinatnan ng love story nina Maya at Benjamin pagkatapos ng lahat ng mga nangyari. Happy ending. At ngayong nakabalik na sila sa Manila, balik trabaho at balik realidad na uli.

Naging masalimuot ang mga nakaraang buwan noong nakaraang taon para sa buhay ni Maya. Noong nakaraang taon, napagdesisyunan niyang bumalik sa The Forum at magtrabaho bilang isang freelance interior designer sa Contreras-Contreras Architectural Firm. Noong nakaraang taon, muli niyang nakaharap si Engineer Benjamin Contreras III at noong nakaraang taon, naramdaman niya ang iba’t-ibang emosyon na lalo lamang nagpatibay ng pag-ibig niya para sa binata. 

Akala ko talaga, tapos na ang lahat sa amin. Sobra ko siyang nasaktan nang umalis ako nang walang paalam at nang muli kaming nagkita, sinigurado niyang mararamdaman ko rin ang sakit na pinadama ko sa kanya. At oo, naramdaman ko ‘yon at mas higit pa. Pero tinanggap ko lahat ‘yon dahil alam ko na tama lang naman sa akin iyon. At kung kailan sinukuan ko na ang pag-asa na mapapatawad ako ni Benjamin, ay parang nagmilagro ang langit at muli niya akong minahal.

Ano nga ba ang nangyari?

Friday, July 5, 2019

Natapos Mo na ang Manuscript Mo, Ano Na?

So, natapos mo na ang manuscript mo. Congrats! Pero ang tanong, handa na ba ang pinaghirapan mong MS na maipasa sa pubhouse? 

1. Na-proofread mo na ba? Kahit feeling mo ay sayang oras o nakakatamad, kailangan mong i-proofread ang MS mo bago mo ito ipasa. Siguruhin na tama ang grammar, punctuation, formatting, etc. Make sure to check everything - as in everything. Laging best foot forward dapat. Parang panliligaw lang ‘yan. Nililigawan mo ang mga evaluators kaya dapat, maganda ang maipapakita mo sa kanila. Huwag na huwag magpapasa sa publishing house ng hilaw na manuscript. Bukod sa siguradong mare-reject ‘yon, baka magkaroon ng first bad impression sa iyo ang mga editors.

Thursday, July 4, 2019

The Girl From The Coffee Shop 3 Teaser

“I already did what you wanted me to do. I am marrying her and now, I’m miserable. So please, make me feel that you see me...that I still exist...”

Kung inaakala ni Maya na ‘happy ever after’ na ang kasunod ng lahat ng pinagdaanan nila ni Benjamin, nagkakamali siya. Dahil ang mga naganap pala ay ‘patikim’ lang sa mga mangyayari pa.

Ramdam na ni Maya ang pagiging ‘the future Mrs. Benjamin Contreras III’ at handa na siya sa lahat ng bagay na kaakibat ng kumplikadong buhay ng nobyo. Pero bakit kung kailan maayos na ang lahat ay tsaka susulpot sa eksena ang isang tulad ni Nicole Sequia?  Mabuti na lang, to the rescue si Noel, ang kanyang knight in shining armor na parating handang tumulong at dumamay.

Mabuti pa si Noel, parating nariyan. Mabuti pa si Noel, naiintindihan siya at may pakialam sa nararamdaman niya. At naisip ni Maya, baka nga si Noel ang talagang tadhana niya at nakilala lang niya si Benjamin para mas palalimin ang nararamdaman niya kay Noel.

Pero paano kung kabaligtaraan pala ang lahat? Na parati silang pinagtatagpo ni Noel dahil gusto ng Diyos na mas patatagin siya para sa pag-ibig nila ni Benjamin?

Monday, July 1, 2019

The Girl From The Coffee Shop 2 Chapter 10

SA site pa lang ay nakita na ni Benjamin si Noel na sinusundo si Maya. Hindi alam ni Benjamin kung anong pumasok sa utak nito pero hanggang sa paghatid nito sa apartment ng dalaga ay sinundan ni Benjamin ang mga ito. Ipinarada nito ang mamahaling sasakyan sa tapat ng katabing bahay ng tinutuluyan ni Maya, bumaba mula roon at lumapit sa mga ito.

“Maya, can I talk to you?”

Sabay iyong nilingon nina Maya at Noel na kabababa lamang ng sasakyan. Madilim na noon at wala nang tao sa paligid liban sa mangilan-ngilang sasakyan na dumadaan. Lumapit sa kanila si Benjamin, hawak ang susi ng mamahaling kotse.

Nagkatinginan muna sina Maya at Noel bago muling isinara ng dalaga ang pinto ng sasakyan. Agad na lumapit sa kanya si Noel at nang akbayan siya nito ay halatang biglang nag-iba ang ekspresyon ng mukha ni Benjamin. 

“Ano’ng ginagawa mo rito?” tanong niya rito.

“Mag-uusap tayo, ‘yung tayong dalawa lang, Maya,” matigas nitong sabi. Masama ang tinging ibinigay ni Benjamin sa katabi ni Maya.

“May problema ba kung marinig ni Noel kung ano man ang sasabihin mo?”

Lalong sumama ang mukha ni Benjamin. “’Yung tayong dalawa lang, Maya.”

Umiling si Maya at nang magtangkang lumapit pa nang husto si Benjamin ay mabilis iyong hinarangan ni Noel.

“’Wag mo nang pilitin kung ayaw makipag-usap ni Maya. Pagod siya galing trabaho.”

“This is none of your Goddamn business,” matigas na sabi ni Benjamin. Matalim ang tinging ibinigay niya kay Noel. “Maya, I want to talk to you.”

Sunday, June 30, 2019

On Ending


  1.  I-distinguish mo muna kung para kanino ang isinusulat mo. Para ba sa sarili mo? Tipong ginawa mo ‘yung kuwento dahil gusto mo lang ilabas kung ano ang nararamdaman mo? Isinulat mo lang kung ano ang gusto mong mabasa? If that’s the case, you have all the freedom in the world to write whatever ending you want. Walang pakialaman kung baga. Pero kung ang isinulat mo ay para sa iba, meaning may readers ka na nag-aabang as if their lives depend on you, kailangan mo silang i-consider. Isipin mo kung ano ang mararamdaman nila sa isusulat mong ending. They took time and effort to read your story so make sure to give them the ending they deserve.

Thursday, June 27, 2019

Writer Starter Pack V2.0: Back to Basics


  1. Notebook, ballpen. Wala kang laptop o computer o kahit cellphone na p’wedeng install-an ng MS word o kahit anong app kung saan p’wedeng magsulat? Back to basics tayo. Ballpen at papel ang ating magiging best friend. Wala nang sasarap sa feeling ng handwritten manuscript, bes. Ang ginagawa ko dati, bond paper, hati sa gitna, rugby, gawa sariling cover. Voila, may book na ako haha!
  2. Dictionary. Lalo na kung wala kang internet for research.
  3. Books, books, books! Kahit ano’ng genre, actually. Kahit romance ang sinusulat mo, mahalaga pa rin na magbasa ng iba’t-ibang uri ng books. Pamparami ng kaalaman, bes. Bukod sa pamparami ng vocabs, para na rin mahasa ang utak. Good writers are those who read. Hindi ka magiging magaling na writer kung ayaw mong magbasa.
  4. Paggamit ng MS word. Lahat naman nagsimula sa pagka-bano sa MS word. Pero mahalaga na mag-effort kung paano malaman ang word count, tamang formatting, etc. Punta minsan sa computer shop at i-familiarize ang sarili sa MS word dahil ito ang magiging kasama mo sa araw at sa gabi sa pagsusulat.

Monday, June 24, 2019

To Outline or Not to Outline

It actually depends on you, the writer. Kung feel mo na mas makakatulong sa ‘yo ang outlining, go pero kung mas nakakabagal, at mas gamay mong magsulat nang walang sinusunod na guide, okay lang rin. 

Siyempre, bago ka mag-outline ng nobela mo, dapat ready na ang story concept mo, characters, settings. Kung may backstory na rin ang mga characters, better. Kasama lahat ‘yan sa outline. Dapat, may idea ka na rin kung gaano kahaba ang isusulat mo. Siyempre uli, hindi natin parating alam na natin agad kung ano ang simula, gitna at katapusan ng isusulat natin, p’wera na lang kung may superpowers tayo. Kaya huwag nating ubusin ang oras natin at brain cells para isipin kung paano nga ba sisimulan. Sabi ng iba, dapat raw, alam mo na ang ending ng story bago mo simulan para hindi ka maligaw pero personally, bihirang-bihira mangyari sa akin na nasusunod ko ang gusto kong ending. Haha. Usually kasi, maligalig talaga ang mga characters, ayaw sumunod sa writer. So, you can work on your ending as you go along. 

Sunday, June 23, 2019

Dating a Reader Starter Pack

1. Mahabang pasensiya. They have this something called ‘sacred hour’. Ito ‘yung oras nila ng pagbabasa kaya huwag kang magtataka kung bakit hindi sila nakakapag-reply agad dahil baka nasa kalagitnaan sila ng pagbabasa. FYI, walang pinipili ang sacred hour. Mapa-umaga, tanghali at gabi kaya pasensiya.

2. If you’re going to invite her out, do it creatively. You have huge shoes to fill, anyway. ‘Yung mga fictional characters niya, nai-date na siya sa mga mamahaling restaurants kaya mag-effort ka naman kahit kaunti. How about a picnic instead of the usual dine out? Bring her to some place quiet, where she can enjoy your company and her book. Coffee shops with books are the best.

3. Be ready for a bit of competition. Okay, not a bit - a lot. Hindi maiiwasan na maikumpara ka niya sa mga paborito niyang fictional characters. Huwag magtampo o magselos kung kinikilig siya sa ibang lalaki lalo na’t hindi mo kakilala. Ang totoo, hindi lang ikaw ang laman ng puso niya - marami pa at lahat sila, mas guwapo, mas romantic, mas maginoo, mas bastos (Lol). Pero don’t worry, nasa libro lang naman sila, di tulad mo na totoo.

4. Love letters. Be like Noah Calhoun who wrote Allie 365 letters, he wrote her a letter for a year. Top that! Hindi mo kilala si Noah? Tsk. 

The Girl From The Coffee Shop 2 Chapter 9

PUPUNTA ka ba?” tanong ni Pam kay Maya.  Nasa fast food sila noon kung saan sila parating kumakain noong barista pa lang siya sa coffee shop. “Hindi mo naman kailangang pumunta kung ayaw mo.”

“At bakit hindi ako pupunta? S-siyempre, pupunta tayo.” Inalis na niya ang suot na shades at kita pa rin ang pamamaga ng mata niya. Hindi rin alam ni Maya kung saan siya kumukuha ng lakas ngayon dahil liban sa malungkot na mga mata ay wala nang makapagsasabi sa hirap na pinagdadaanan niya.

“Maya, sigurado ka bang okay ka lang?” ulit nito nang nakatingin sa kanya.

“Okay lang ako, ano ka ba? Bakit ba parang lahat yata ng tao, ayaw maniwala na okay lang ako?”

“Dahil mahirap paniwalaan.”

Ngumiti si Maya, na para sa kanya ay napakahirap gawin. “Ayos lang ako, Pam, salamat.”
“Kung gusto mong umakyat ng Baguio, sabihin mo lang, hindi kita pipigilan. Kung gusto mo, sasamahan pa kita.”

Gusto ko talagang bumalik ng Baguio, kahit sa mismong oras na iyon pero hindi ko na tatalikuran at tatakasan ang problema ko ngayon.  Sabi ko noon, hindi ko kakayanin kung mawawala sa akin ang taong mahal ko. Hindi ko alam na mas malakas pala ako kaysa sa inaakala ko at mas may tapang pala akong harapin ang lahat kung gugustuhin ko. 

Saturday, June 22, 2019

Why Date a Reader?

1. Mababaw ang kaligayahan. Kasi nga, libro lang, masaya na sila. Libro lang, sapat na. Anniversary, Christmas, New Year, Valentine’s. Hindi mo na kailangang mag-effort bumili ng mamahaling alahas o bulaklak. Libro lang, sapat na. 

2. Readers are smart. Laging uhaw sa bagong kaalaman kaya hindi kayo mauubusan ng mapag-uusapan. Araw-araw nagwo-workout ang brain cells ng mga ‘yan kaya sigurado kang fit sila para sa kahit na anong diskusyon. Hindi boring, diba?

Friday, June 21, 2019

The Girl From The Coffee Shop 2 Chapter 8

KUNOT ang noo ni Benjamin na pumasok sa The Forum, at pansin ng lahat ng tao doon na hindi maganda ang mood niya. Agad siyang sinalubong ni Greg at sumunod hanggang sa pagpasok niya sa elevator. 

Iwas kay Benjamin ang lahat ng makasalubong at lahat ay nagmamadaling bumalik sa trabaho pagkakita sa kanya. Pagdaan niya sa space ng design team ay hindi niya nakita si Maya sa lugar nito. Naroon ang isang pumpon ng rosas sa ibabaw ng mesa, at saglit siyang natigilan. Those red roses had been bothering him eversince they started coming. Hindi niya alam kung kanino nanggagaling ‘yon, at hindi niya alam kung totoo na wala ring alam si Maya tungkol doon. 

Lumapit siya sa mesa ng dalaga, kasunod pa rin si Greg na nagtataka. Kinuha niya ang card na naroon sa bulaklak, binasa at kunut-noong inihagis iyon sa maliit na basurahan. “Si Miss Evangelista?” tanong niya kay Greg.

Bakit Nga Ba Hindi Tayo Makatapus-Tapos ng Nobela?

Bukod sa writer’s block na sabi ng iba ay imahinasyon lang, na katamaran lang raw talaga at excuse ng mga writers na ‘tamad’ magsulat, maraming dahilan kung bakit hindi natin matapos ang sinusulat natin:

1. Sobrang dami nating gustong ilagay sa nobela, ang dami nating gustong sabihin to the point na humahaba na nang humahaba ang MS natin. Kapag may naisip na magandang scene, dagdag. Na-inspire sa pinapakinggang music, dagdag. May napanood na kilig dialogues, dagdag. Ayan, dagdag rin nang dagdag ng chapters hanggang sa maging series na tapos kapag kailangang bawasan ng word count, iyak na lang sa tabi.

Thursday, June 20, 2019

Rhythm

Rhythm is probably one of the most complex elements in writing. Paano nga ba natin malalaman kung may rhythm ang sinusulat natin o paano natin matututunan ang rhythm? Mahalaga ba talaga ito? This post is just about how to find your rhythm if you still don’t have it. Hindi ko na ie-explain ang meaning dahil marunong naman tayong mag-research since mga writers naman tayo. Also, wala akong masyadong alam sa teknikal na aspeto nito haha. 

Hindi ba kapag nagbabasa tayo ng nobela, mas nakaka-engganyo kapag maganda ang pagkakasulat? ‘Yun ang rhythm. Choosing the right words and putting them together, in their right places. 

The Girl From The Coffee Shop 2 Chapter 7

PAGDATING na pagdating ni Maya sa opisina ay iniabot agad ni Jenny sa kanya ang isang magazine. Nakabukas ito sa pahinang dapat niyang makita. Tiningnan muna niya si Jenny bago tiningnan ang magazine.

“Totoo ba?” tanong nito sa kanya. Naroon ang naganap na party a week ago sa bahay ni Maestro Diestro, at naroon ang picture nila ni Benjamin habang seryosong nag-uusap, magkahawak ang mga kamay. “Totoo bang naging kayo ni Mr. President?”

Wednesday, June 19, 2019

Three Phases of Writing

PHASE 1. Start Something

1. Una sa lahat, bago ka makapagsulat, dapat alam mo kung ano ang isusulat mo. Genre, plot, characters, setting, conflict, the works. Siguro naman, may idea ka na kung tungkol saan ang gusto mong isulat dahil kung wala pa, paano? 

2. Bilang bagong writer, dapat mag-set tayo ng goal. ‘Yung realistic lang dapat, ha. Tipong 500 words a day? Kung hindi kaya, kahit 300 words. Huwag pilitin ang sarili na makapagsulat ng 3k words everyday kung hindi naman kaya dahil mas nakaka-frustrate lang ‘yon. Basta ang mahalaga, ‘yung may maisulat ka araw-araw. Just to get the hang of it. Sit down and write. Write everyday, no matter how busy you are.

Tuesday, June 18, 2019

Writing A Not-So-Typical Romance

1. Huwag ‘yung first page pa lang, may nangyayari nang kababalaghan. Romance novel ang isinusulat mo, hindi porn. Kahit nga sa porn, may build-up pa ng scene bago ‘yun. Not that I know these things, nabasa ko lang rin, huwag kayo.

2. Kung may ‘BS’ man, dapat kailangan sa story, hindi ‘yung basta na lang maisipan, This is the part where you should consider the feelings of your readers. Hindi uubra ‘yung unang meeting pa lang ng dalawang bida, magki-kiss na or worse, may intimate scene na. Your readers will feel betrayed if you do that. Now, if you really want to have it in the first page, pangatawanan mo. Dapat may justification.

The Girl From The Coffee Shop 2 Chapter 6

SABI ni Pam, kabaliwan na raw talagaang ginagawa ko. Ang pagpayag ko sa Baguio getaway, sa pagpayag ko sa lahat ng bagay. Sabi ko naman, siguro nga, nababaliw na ‘ko dahil hindi naman ako talagang ganito, hindi ako basta pumapayag sa mga bagay na hindi ko gusto, hindi ako napipilit na gawin ang mga bagay na ayoko. Pero heto ako, parang utu-uto at parang tanga na tinatanggap lang ang lahat.

“Dahil ano, mahal mo si Benjamin?” tanong ni Pam sa kanya nang umagang maaga siyang dumating sa The Forum. Routine na ni Maya ang dumaan sa coffee shop sa tuwing pumupunta siya roon, para makausap si Pam, para hingahan ito ng anumang sama ng loob. “Maya, sigurado ka bang mahal mo ‘yung tao o dala lang ‘yan ng konsensiya mo dahil sa nagawa mong kasalanan noon?”

What's New

The Girl From The Coffee Shop 3 EPILOGUE

KUNG tatanungin kung gagawin ko pa rin ang mga desisyong nagawa ko noon, ang sagot ko, oo. ‘Yung tungkol kay Noel, alam ko na nakatakda i...